فات أخرس عالسوبر ماركت وتوجه لعند الصبية اللي عالكاش …
الصبية : تفضل استاذ !!
الأخرس : هباه!
الصبية : عفوا !!
الأخرس : آآآ هوووو هباه!
الصبية : عفوا ما فهمت عليك!
عصب الأخرس وصار يشوبر بإيدو ؛! تلبكت الصبية ونادت للشب المسؤول بالإدارة !
اجا الشب مبتسم : تفضل استاذ كيف فيني ساعدك ؟
الأخرس : هباه !!
الشب : عفوا !!
الأخرس : هوووو هباه! هباااااه!
اطلع الشب بالصبية وقلها شو بدو؟؟!!
قالتلو : والله أنا ما فهمت عليه كمان!! …
صار الأخرس يخبط عالكونتوار .!! .. اجا المدير عالصوت وقال : خير شوفي؟ … شو القصة؟؟
خبروه الشب والصبية انن ما عم يفهمو عليه للزبون شو بدو لأنو أخرس ..!! .
ابتسم المدير وقلن : بسيطة في محمود الشب الأخرس اللي بالمستودع خليه يجي ويتفاهم معو .!! ..
وصل محمود .!! ..
الأخرس : هو هاه هيييب هم م!!
محمود : هيييي ابببب هااااا!!
الأخرس : هباه … هبااااه!!
محمود : هباااااه!!
هز الأخرس براسو موافق..! .
و انبسطو الكل أنو صار التفاهم!
راح محمود عالمستودع ورجع معو كيس أسود مليان وعطاه للأخرس؛! فتح الأخرس الكيس وابتسم وهلل مبسوط؛ حاسب محمود ومشي!…
اطلعو الكل بمحمود والضحكة على وجوهن!! وقالو! : لك شو كان بدو؟؟!!
قلن محمود وهو مبتسم : هبااااه بهووو بهيييي!!!!!!!!
هذا هو وضع البلد عندنا،، ما حدا فهمان شي!!
